နှစ်သစ် ၂၀၂၅

ပထမဆုံးတော့ ဟိုတယ်စနစ် + စားသောက်ဆိုင်စနစ် နှစ်ခုချိတ်ဆက် Integration လုပ်ထားတဲ့ စနစ်သုံးမယ်ဆိုပြီး စုံစမ်းလိုက်တာ စိတ်တိုင်းမကျတာနဲ့ နောက်ဆုံး အမတို့ဟိုတယ် လိုအပ်ချက်တွေနဲ့ အကောင်းဆုံး ကိုက်ညီနေတဲ့ မြန်မီနူးကို ရွေးချယ်လိုက်ပါတယ်။

ဟိုတယ်စားသောက်ဆိုင်ဆိုတော့ အပြင်ဧည့်သည်တွေလည်း ရှိပါတယ်။ အခန်းငှား ဧည့်သည်တွေလည်း ရှိတယ်။

အပြင်ဧည့်သည် အခုငွေရှင်းပါတယ်။ အခန်းငှားဧည့်သည် ကျသင့်မှတ်ထားပြီး အခန်းအပ် (check-out) မှ ငွေစုရှင်းပါမယ်။ မြန်မီနူးက အမတို့ ဟိုတယ်လိုအပ်ချက်တွေကို အဆင်ပြေစေလို့ တာဝန်တစ်ဝက် ပေါ့သွားပါပြီ။

F&B မန်နေဂျာ

ညီမတို့ဆိုင်မှာ အရင်တုန်းက စနစ်တစ်ခုတော့ သုံးခဲ့ဖူးပါတယ်။ အဲ့ဒီတုန်းက ကွန်ပျူတာနဲ့ သုံးခဲ့တာပါ။ ကြာတော့ ကြာပါပြီ။

အဲ့ဒီတုန်းက ဒေတာပျက်မှာ စိုးရ၊ ကွန်ပျူတာ ပျက်မှာ စိုးရနဲ့ အဆင်မပြေခဲ့ပါဘူး။ ပြီးတော့ ဆော့ဖ်ဝဲပညာရှင်၊ အိုင်တီပညာရှင်၊ နဲ့ စက်ပစ္စည်းဝယ်တွေကလည်း ခဏခဏဆိုတော့ နောက်ဆုံး မသုံးဖြစ်တော့တာပါ။

အခု မြန်မီနူးကြော်ငြာမှာ တက်ပလက်နဲ့ပဲ သုံးရမယ်၊ ပြီးတော့ ဖေ့ဘုတ်လိုပဲ လွယ်ကူတယ်၊ အခက်အခဲ မေးခွန်းရှိရင် Customer Service ကိုလှမ်းမေး၊ အစစအရာရာ တာဝန်ယူပေးတယ်ဆိုလို့ ပြန်လည်း အသုံးပြုဖြစ်သွားတာပါ။

ဆိုင်ရှင်ငယ်

အမတို့ဆိုင်က ကလေးတွေ ဧည့်သည်ကို ဧည့်ခံနေတာကို အားမရတာနဲ့ ဝိတ်တာတက်ပလက်များ အသုံးပြုရင် အဆင်ပြေမလားဆိုပြီး မြန်မီနူးကို ဆက်သွယ်လိုက်တာပါ။

ပွင့်ပွင့်လင်းလင်းပြောရရင် ကလေးတွေက တစ်ခုခုဆို သူတို့မိဘတွေဆီကို ပြန်မယ်ဖြစ်နေတာပါ။

ဒါကြောင့် ဝန်ထမ်းအသစ်တွေလည်း အလုပ်လုပ်ရအဆင်ပြေအောင်၊ ပြီးတော့ ဆိုင်မီနူးကို တက်ပလက်ကနေ ဧည့်သည်ပြလို့ရအောင် Waiter Tablet ပါတဲ့ မြန်မီနူးစနစ်ကို ရွေးချယ်လိုက်တာပါ။

ဆိုင်ရှင်

အရင်တုန်း ဧည့်သည်အခန်းကနေ အော်ဒါလှမ်းတင်ဖို့အတွက် စနစ်တစ်ခု အသုံးပြုခဲ့ဖူးပါတယ်။ အဲ့ဒီတုန်းက ဘာကြောင့်လဲမသိဘူး အော်ဒါရောက်ဖို့ ၂နာရီလောက် ကြာခဲ့ပါတယ်။

ဒါကြောင့် အရင်စနစ်လိုများ ဖြစ်နေမလားဆိုပြီး အမတို့ ရုံးမှာ လာရောက် Demo ပြပေးဖို့ ဖိတ်ခေါ်လိုက်တာပါ။

မြန်မီနူး Self-Order စနစ်က အော်ဒါတင်ကို ချက်ချင်းဆိုသလို သိရတယ်။ အော်ဒါအတွက် ငွေကိုင်ကို အချက်ပေးတယ်။ ပြီးတော့ အော်ဒါမှာယူ အခန်းနံပါတ်လည်း ပြပေးနေတာကြောင့် ဟိုတယ်ဧည့်သည်တွေအတွက် အကောင်းဆုံးဆိုပြီး ရွေးချယ်လိုက်တာပါ။

စာရင်းပညာရှင်

အခုက ဆိုင်နေရာအသစ်ကို ပြောင်းဖွင့်မှာပါ။ ဆိုင်နေရာ ပိုကောင်းသွားပါတယ်။ အရင်တုန်းက စနစ်မသုံးဖူးပါဘူး။

ဒါပေမယ့် မြန်မီနူးစနစ်က တက်ပလက်နဲ့လည် အသုံးပြုလို့ရတယ်၊ ပြီးတော့ ဖေ့ဘုတ်လိုပဲ လွယ်ကူတယ်ဆိုလို့ အရဲစွန့်ပြီး ဆက်သွယ်ဖြစ်ခဲ့တာပါ။

မြန်မီနူးက ပရင်တာပံ့ပိုးပေးတယ်၊ တက်ပလက် လိုက်ဝယ်ပေးတယ်၊ နောက်ဆုံး လက်တင်သုံးလို့ရတဲ့အထိ ပံ့ပိုးပေးခဲ့လို့ ကျေးဇူးပါ။ တခုခုရှိရင်လည်း လှမ်းမေးပါဦးမယ်ခင်မျာ။

ဆိုင်ရှင်

ကွန်ပျူတာက Impression ကောင်းစေတယ်ဆိုပေမယ့်လည်း၊ မီးခဏခဏပျက်တော့ တခြား Solution တစ်ခုခု ရှိမလား ရှာဖွေနေခဲ့တာပါ။ ဒါပေမယ့် မြန်မီနူးရဲ့ တက်ပလက်ဗားရှင်း ကြော်ငြာပလန်ကို တွေ့တာနဲ့ စမ်းကြည့်မယ်ဆိုရင် Parallel သုံးကြည့်ခဲ့တာပါ။

အစပိုင်းတော့ တက်ပလက်က အဆင်ပြေပါ့မလား ကွန်ပျူတာလောက် ငြိမ်ပါ့မလား ထင်ခဲ့ပါသေးတယ်။

ဒါပေမယ့် လက်တွေ့ကျတော့ တက်ပလက်က ကွန်ပျူတာလို စက်ပြင်၊ ဒေတာ backup လုပ်၊ ပညာရှင်ခေါ် ဘာမှ လုပ်စရာမလိုဘူး၊ ဘာ အပိုအလုပ်မှ လုပ်စရာမလိုတော့လို့ ဆိုင်ဧည့်သည်ကို အချိန်ပြည့် အာရုံစိုက်နေနိုင်ပါပြီ။

ဆိုင်ရှင်

အမတို့မှာ တခြားစီးပွားရေး ရှိပါတယ်။ ဒါပေမယ့် အခုလို စားသောက်ဆိုင် ဖွင့်ဖြစ်သွားတာက အကယ်လို့ အဲ့ဒီစီးပွားရေး တစ်ခုခုဆိုရင် ဘယ်လိုလုပ်မလဲ ဒီလို သဘောနဲ့ပါ။ ပြီးတော့ ကလေးတွေကလည်း အစားအသောက် ဝါသနာပါတာကြောင့်.. စီစဉ်ဖြစ်သွားတာပါ။

လက်ရှိတော့ အမအနေနဲ့ အရှိန်လည်းရနေတဲ့ ဟိုဘက်အလုပ်ကို ဦးစားပေးရဦးမယ်။ ဒါကြောင့် ဆိုင်ကို ကလေးတွေနဲ့ လွှတ်ထားရပါဦးမယ်။

လောလောဆယ်တော့ အချိန်မပေးနိုင်တာကြောင့် ဆိုင်အခြေအနေကို ကလေးတွေ ငွေလာအပ်တဲ့အခါ ပါပါလာတဲ့ Day end စာရွက်ကိုပဲ အားကိုးကြည့်ဖြစ်ပါတယ်။ ကျေးဇူးပါ မြန်မီနူး ရှင့်။

ဒေါ်ဆိုင်ရှင်

ဆိုင်ကိုတော့ ဒီမှာကျန်နေခဲ့တဲ့ ဆွေမျိုးမိသားစုဝင်တွေအတွက် ဖွင့်ဖြစ်သွားတာပါ။ ရည်ရွယ်ချက်ကတော့ ဆွေမျိုးတွေလည်း စုစုစည်းစည်းနဲ့ အလုပ်တွေလိုက်လို့ရမယ်၊ ပြီးတော့ ကိုယ်တိုင်လည်း စီးပွားဖြစ်မယ် ဒီလို သဘောမျိုးပါ။

ဒါကြောင့် မန်နေဂျာ အတွေ့အကြုံရှိတဲ့ အကိုကို ဦးစီးစေပါတယ်။ ပြီးတော့ ဆိုင်လုပ်ငန်းကို စနစ်တကျ ထူထောင်စေပါတယ်။

ဝမ်းသာစရာအချက်က မြန်မီနူးစနစ်မှာ အွန်လိုင်းပါဝင်တာကြောင့် ဆိုင်အခြေအနေကို နိုင်ငံခြားကနေလည်း အားတဲ့အချိန် ချက်ခြင်းကြည့်နိုင်လို့ တော်တော်အကူအညီ ဖြစ်လှပါတယ်။

သူဌေးမ

ကျတော်တို့ ဆိုင်မှာ ဧည့်သည်တွေက မြန်မာစကား မတတ်ပါဘူး။ ပြီးတော့ ကျတော်တို့ ကိုယ်တိုင်ကလည်း သူတို့စကား မကျွမ်းကျင်ပါဘူး။ ဒါကြောင့် ဧည့်သည်ကို မီနူးရှင်းပြရရင် တော်တော်ကသီရပါတယ်။

ဒါကြောင့် ဆိုင်မီနူး Structure ကျကျနနနဲ့ ပြပေးနိုင်တဲ့ အိုင်တီစနစ်မျိုး ရှာဖွေခဲ့ပါတယ်။ ဒီလိုနဲ့ မြန်မီနူးဆီကို ရောက်လာခဲ့တာပါ။

အခုဆိုရင် ဆိုင်မီနူးကို ဝိတ်တာတက်ပလက်က ကြည့်နိုင်သလို၊ ဧည့်သည်မိုဘိုင်းဖုန်းကနေဆိုရင်လည်း (Self-order QR) ကြည့်နိုင်ပါပြီ။ ဒါကြောင့် အရင်က လုံးဝမရောင်းဖြစ်တဲ့ မီနူးတွေပါ အရောင်းလိုက်လာလို့ မြန်မီနူးကို ကျေးဇူးတင်မိပါတယ်။

မန်နေဂျာ

အကိုတို့ဆိုင်က လမ်းထဲနည်းနည်းဝင်ရတော့ ဆိုင်ကို ဒီအတိုင်း ဖွင့်ထားလို့ မရပါဘူး။ ဒဲ့ပြောရရင် လုပ်ချင်ချင် မလုပ်ချင်ချင် ပရိုမိုးရှင်းကို လုပ်ကို လုပ်ပေးရပါတယ်။

ဒါပေမယ့် လက်ရှိမှာ ဖေ့ဘုတ်က VPN ဘာညာနဲ့ဆိုတော့ တခြား Solution ဘာရှိလဲ ရှာဖွေရင်းကနေ မြန်မီနူးဆီ ရောက်လာခဲ့တာပါ။

မြန်မီနူးစနစ်ကို သုံးတော့.. Back−end နေရာကနေ ပရိုမိုးရှင်း ဥပမာ Buy X Get Y သတ်မှတ်လိုက်ရင်၊ အဲ့ဒီ သတ်မှတ်လိုက်တာကို POS မှာအပြင်၊ E-Menu မှာပါ တစ်ခါတည်း သတ်မှတ်ပြပေးနိုင်တာကြောင့် အံ့သြစရာကောင်းလောက်အောင် ပရိုမိုးရှင်းလုပ်ရတာ ပိုလွယ်ကူ ပိုပျော်ရွှင်မိပါတော့တယ်။

ဆိုင်ရှင်

အကိုတို့ဆိုင်မှာ မီနူးတွေ လောဘကြီးကြီးနဲ့ ဒီဇိုင်းတွေလုပ်လာလိုက်တာ နောက်ဆုံးတော့ မီနူး Album ကြီးကိုပဲ ၅အုပ် ရှိနေပါပြီ။ အဲ့ဒီမှာ ရတာတွေကော မရတာတွေကော ရှိနေပေမယ့် ဒီဇိုင်းပြန်ဆွဲ စာအုပ်ပြန်ထုတ်ဖို့ကလည်း စဉ်းစားစရာ ဖြစ်နေတာပါ။

ပြီတော့ ဈေးနှုန်းဘာညာ အပြောင်းအလဲကိုလည်း အချိန်တစ်ခုပေးပြီး စီစဉ်နေရတော့ အလုပ်မရှုပ်သင့်ပဲ အလုပ်ရှုပ်ပင်ပန်းနေခဲ့ရတာပါ။

အခု မြန်မီနူး Self-order E-menu ကို အသုံးပြုလိုက်တော့ အဲ့ဒီ Album တွေကို ရှင်းလင်းနိုင်တဲ့အပြင် ဆိုင်မှာ ရနိုင်တဲ့ စားဖွယ်တွေကို စားဖွယ်အမည်၊ ဓာတ်ပုံ၊ ဈေးနှုန်း၊ ရှင်းလင်းဖော်ပြချက် စသဖြင့် Sturcture ကျကျနန ပြသပေးနိုင်လို့ ကိုယ့်ဆိုင်မီနူးကိုပင် တော်တော်ကြီး စိတ်ကျေနပ်မိပါတော့တယ်။

ဆိုင်ရှင်

မြန်မီနူးစနစ်မှာ ကျနော့်အတွက် အဆင်အပြေဆုံးကတော့ နိုင်ငံခြားမှာ ရှိနေတဲ့ အကိုကို ဆိုင်အကြောင်း နောက်ထပ်ရှင်းပြစရာ မလိုအပ်တော့တာပါပဲ။

အကယ်လို့ ဆိုင်အခြေအနေ သိချင်တယ်.. ဒါဆိုရင် လှမ်းမေးစရာ မလိုတော့ပါဘူး။ သူ့ဖုန်းကနေ လှမ်းကြည့်လိုက် အေးဆေးဖြစ်သွားပါပြီ။ အကယ်လို့ တစ်ခုခုဆိုရင်လည်း လှမ်းပြောလိုက် ဒီလိုမျိုး လွယ်ကူသွားတာပါ။

အကယ်လို့ အရင်းအနှီးငွေလိုရင်လည်း လှမ်းပို့လိုက်၊ တစ်ခုခုဖြစ်စေချင်တယ်ဆိုရင်လည်း လှမ်းပြောလိုက်ဆိုတော့ ကျနော့်အနေနဲ့ တော်တော် ဝန်ထုတ်ဝန်ပိုး သက်သာသွားရတာပါ။

ကိုကျော်

ကျတော်တို့ ဆိုင်ကို သူငယ်ချင်းတွေ စုပေါင်းဖွင့်ထားတာကြောင့် တစ်ခုခုဆိုရင် လယ်ဂျာစာအုပ်မှာ ရေးမှတ်ထားရပါတယ်။ ဒါတင်ပဲလားဆိုရင် တစ်ရက်တာ တစ်ရက်၊ တစ်လတာ တစ်လ စာရင်းတွက်ပေးရတာပါ။

အခုမြန်မီနူးစနစ်လည်းသုံးရော ဂဏာန်းပေါင်းစက် မလိုတော့ပါဘူး။ ပြီးတော့ အရင်က ၁၀နာရီ အချိန်ပေးရတဲ့အလုပ် အခု ကလစ်တစ်ချက်နဲ့ အစီရင်ခံစာအမျိုးမျိုးကို ရှုထောင့်အမျိုးမျိုးက ကြည့်ရှနိုင်တာပါ။

အကောင်းဆုံးကတော့ ခုရောင်းခုသိ Partner Report အကောင့်ပါ။ လက်ရှိ ဆိုင်အခြေအနေတွေကို သူငယ်ချင်းတွေ အားလုံးအတူတူ ကြည့်ရှုနိုင်တာမို့လို့၊ ပိုမိုနားလည်မှုရှိလာကြည်ပြီး၊ ပိုမိုစည်းရုံးလာရပါတယ်။ ကျေးဇူးကမ္ဘာပါ မြန်မီနူး ခင်မျာ့။

မန်နေဂျာ

အမက ဟိုနဲ့ဒီ ၆လ တစ်ကြိမ်လောက် သွားပြန် လုပ်နေရတယ်။ အရင်တုန်းက ပြည်မ(တရုတ်) ပြန်ပြီဆိုရင် ဆိုင်ကို ကလေးတွေနဲ့ လွှတ်ပေးထားချင်ပေမယ့်လည်း ရွေးချယ်စရာ မရှိပါဘူး။ ဆိုင်ပိတ်ထားခဲ့ရတာပါ။

ဒါကြောင့် ဧည့်သည်ရလာပြီဆိုရင် ဆိုင်က ပိတ်လိုက်ရနဲ့ တော်တော့်ကို အဆင်မပြေဖြစ်ခဲ့တာပါ။

အခုတော့ မြန်မီနူးအွန်လိုင်းစနစ် ကျေးဇူးတွေကြောင့် ကလေးတစ်ယောက်ကိုလည်း တာဝန်ခံရာထူးပေးပြီး ဆိုင်မှာ ထားခဲ့လိုရတော့ ဟိုကိုနောက်ဆံအေးအေးနဲ့ ပြန်သွားလို့ ရပါပြီ။

ဆိုင်ရှင်

ဘွဲ့ရပြီးနောက် မိဘတွေက မင်း.. နိုင်ငံခြား ဆက်သွားမလား? ဒီမှာ အလုပ်လုပ်မလား? ပြောတော့ အမနဲ့ တိုင်ပင်ပြီး စားသောက်ဆိုင်ဖွင့်ဖြစ်သွားတာပါ။

ဆိုင်ဖွင့်မယ်ဆိုတော့ ဦးဒေါ်တွေ ရောက်လာပြီး ဖေးမခဲ့တယ်ဆိုပေမယ့် အဆင်ပြေပါ့မလား တော်တော်စိုးရိမ် မိခဲ့တာပါ။ ဒါကြောင့် ဆိုင်စီမံ အယူအဆပါတဲ့ မြန်မီနူးစနစ်ကို ရွေးချယ်ခဲ့တာပါ။

လက်ရှိမှာ ဆိုင်အမြတ်အစွန်းဆိုတာထက် ဆိုင်ကို ရေရှည်ရပ်တည်နိုင်အောင်၊ ပြီးတော့ ဆိုင်စီမံခန့်ခွဲမှု ဘယ်လိုရှိတယ် ဒါတွေကို သင်ယူစရာအဖြစ်မှတ်သား သင်ယူနေရလို့ ဆိုင်အလုပ်ကို ပျော်ရွှင်နေမိပါတယ်။

ဆိုင်ရှင်ငယ်

ကျနော်တို့ မြို့က မကြီးလှတော့ Fast Food ဆိုရင် ကျနော်တို့ဆိုင်ကို ရွေးချယ်စေချင်ပါတယ်။ ဒါကြောင့် ဆိုင်မီနူးကို စားဖွယ်ချက်ပြုတ်နည်းလမ်းကအစ၊ မီနူးဒီဇိုင်းအထိ အစစအရာရာ တော်တော် အချိန်ပေး အားထည့်ပြီး ပြုလုပ်ထားပါတယ်။

သိတဲ့အတိုင်းပဲ Fast Food မီနူးက ဒီဇိုင်းပြင်ရင် ပြင်သလောက် အရောင်အသွေးစုံလင်ပြီး ရုပ်ထွက်လှတာကြောင့် မြန်မီနူး E-Menu ကို အသုံးပြုမယ်ဆိုပြီး ဆုံးဖြတ်ခဲ့တာပါ။

အဲ့ဒီ E-Menu မှာ Modifier (ထပ်တိုး)၊ Variation (မျိုးကွဲ) စတာတွေ ပါဝင်တာကြောင့် ဆိုင်မီနူးကို ကျနော်ဖြစ်စေချင်တဲ့ အတိုင်း Structure ကျကျနနဖြင့် ဒီဇိုင်းဖော်နိုင်လို့ စိတ်ကျေနပ်ရပါတယ်။

ကိုဆိုင်ရှင်

ကျနော်တို့ ဆိုင်က ၃ ထပ်တိုက် ကြီးပါ။ ဒါကြောင့် ဆိုင်မှာ အပေါဆုံးက အခန်းလွတ်တွေ နှင့် စားပွဲခုံလွတ်တွေ ပါပဲ။

ဒါကြောင့် ကျတော်တို့လည်း ဆိုင်အခန်း၊ စားပွဲ၊ နေရာတွေကို ပြသပေးဖို့ ဝဘ်ဆိုဒ်တစ်ခုတော့ လုပ်မယ်ဆိုပြီး ရှာနေရင်ကနေ မြန်မီနူးကို ရွေးချယ်မိတာပါ။

မြန်မီနူး Full Version ဝဘ်ဆိုဒ်ဆိုတာမှ ဆိုင်ရဲ့ အခန်း layout တွေကို ပြသနိုင်တဲ့အပြင်၊ ဧည့်သည် ဘိုကင်ကိုလည်း တိုက်ရိုက်လက်ခံနိုင်တာကြောင့် ကျနော်တို့ ဆိုင်အကြီးကြီးရဲ့ အားသာချက်တွေကို အခုမှ အသုံးချနိုင်ပါတော့တယ်။

သူဌေး

KTV ဆိုရင် အသံဆူညံမယ်၊ အခန်းထဲမှာ ဧည့်သည်တွေ ဝိတ်တာတွေ ဝင်လိုက်ထွက်လိုက်နဲ့ understood ဆိုပေမယ့်လည်း၊ တချို့ Customer တွေအတွက်ကျတော့ အခန်းထဲမှာ သီးသီးသန့်သန့်နဲ့ Privacy ရှိရှိ Entertainment ချင်တာ မဟုတ်ပါလား။

ဒါကြောင့် တစ်ခုခုဆိုရင် အခန်းထဲကနေပဲ အော်ဒါလှမ်းမှာလို့ရအောင် စီစဉ်ပေးချင်ခဲ့တာပါ။

အခုတော့ မြန်မီနူးစနစ် Self-order QR ကုဒ် ကျေးဇူးကြောင့် ဧည့်သည်က ဝိတ်တာမခေါ်ချင်ဘူး၊ ခေါ်ရခက်နေတယ်ဆိုရင်လည်း သူ့မိုဘိုင်းဖုန်း/ အခန်းထဲကနေ အော်ဒါလှမ်းမှာလို့ ရနေလို့ လိုအပ်တာနဲ့ ကွက်တိ ဖြစ်နေပါပြီ။

မန်နေဂျာ

အမတို့က မြို့နယ် ၃ခုမှာ ဆိုင်၃ဆိုင်ကို ဖွင့်ထားတာပါ။ မြို့နယ်တွေက မဝေးလှတော့ အခုအထိတော့ တစ်နေ့ နှစ်ကြိမ် round လှည့်လို့ရပါတယ်။

ဒါပေမယ့်လည်း စနစ်တစ်ခုခု အသုံးပြုပြီး စနစ်တကျ ဆိုင်စီမံချင်ပါတယ်။

ဥပမာ အခုဆိုင်၃ဆိုင်ကို စုပေါင်းဈေးဝယ်မယ်၊ ကြိုတင်ချက်ပြုတ် precook တွေ လုပ်မယ်၊ ပြီးရင် ကားနဲ့ ဆိုင်ခွဲတွေကို ပို့ဆောင်မယ်၊ ဒီလို စနစ်မျိုး လိုအပ်နေခဲ့တာပါ။

အခု မြန်မီနူးမှာ Multi-outlet Solution ကိုမှ Online Version နဲ့ ရှိနေတာကြောင့်၊ လိုအပ်ချက်ထက်ပင် ဝန်ဆောင်မှုက ပိုသာလွန်နေတာကြောင့် တော်တော်ကြီးကို Impress ဖြစ်မိပါတယ်။

ဆိုင်ရှင်

လက်ရှိသုံးနေတဲ့ စနစ်မှာ စားဖွယ်ကို ငွေတစ်ဝက်ယူ (သို့) စရံယူ ပြီး အော်ဒါလက်ခံတဲ့ ပုံစံမျိုး မတွေ့ရပါဘူး။

ဒါကြောင့် မြန်မီနူး မွေးနေ့ကိတ် (သို့) ကြိုတင်အော်ဒါ ပလန်ကို အသုံးပြုမယ် ရွေးချယ်လိုက်တာပါ။

မြန်မီနူးစနစ်မှာ ၁) စရံယူအော်ဒါလက်ခံခြင်း၊ ၂) ယနေ့ပြုလုပ်ရမယ့် မုန့် စာရင်းသိရှိခြင်း၊ ၃) ပြီးစီး/ငွေကျန် စာရင်းသိရှိခြင်း၊ တို့အပြင် ဧည့်သည်ဘယ်သူ၊ ဘယ်မှာနေတယ်၊ စရံဘယ်လောက်၊ ကျန်ငွေဘယ်လောက် Receipt စာရွက်ပါ ထုတ်ယူစီမံနိုင်တာကြောင့် ယခင်ကထက် အော်ဒါများကို ပိုမိုမှန်ကန်စွာ စီမံလုပ်ဆောင်နေနိုင်ပါပြီ။

ဆိုင်ရှင်

လွန်ခဲ့တဲ့ ၂နှစ်လောက်တုန်းက ဆိုင်တစ်ဆိုင် ဖွင့်ဖူးပါသေးတယ်။ အဲ့ဒီ ဆိုင်တုန်းကလည်း မနက် ဆိုင်ဖွင့်ချိန် အချိန်မှန်ပါပဲ။ ညဆိုင်ပိတ်ချိန် နောက်ကျ ပိတ်ပါတယ်။ တော်တော်ကြိုးစားခဲ့ပေမယ့် နောက်ဆုံးတော့ ဆိုင်ပိတ်ခဲ့ရတာပါ။

ဒါနဲ့ ဟိုလေ့လာ၊ ဒီလေ့လာ လုပ်ပါတယ်။ မြန်မီနူး သင်ပြပေးမှုတွေကို လေ့လာပါတယ်။ နောက်ဆုံးတော့ အခုဆိုင် ပြန်ဖွင့်ဖြစ်သွားတယ်ပေါ့ဗျာ။

မြန်မီနူးလမ်းညွှန်တဲ့အတိုင်း ဆိုင်အမည်ပေးတယ်၊ ဆိုင်နေရာ သေချာရွေးချယ်တယ်၊ ဆိုင်စီမံမှု သေချာလုပ်တယ်၊ ပြီးတော့ အရင်ဆိုင်အတွေ့အကြုံတွေကို ပြန်အသုံးပြုတယ်။ အခုတော့ ယုံချင်မှ ယုံပါ ဆိုင်မှာ ထင်ထားတာထက် လူစည်ကားများပြားနေလို့ မြန်မီနူးကို Recommended ပါ လမ်းညွှန်ပေးလိုက်ရပါတယ်။

ဆိုင်ရှင်